Breaking News: Ralhrang nih Matupi khuami an tlaih mi hna minung pahnih an thah cang hna. A dang zong an thah hna lai tiah zumh a si.
Chin ramkulh Matupi peng ah Kawl ralhrang nih Chinmi ralsatarh ah mimung 7 an tlaih hna i an tlaih mi hna chung ah minung 2 an ruak in hmuh an si cang tiah Matupi CDF nih an thanh. A dang zong hi an umnak theih a si lo caah an thah men hna lai tiah zumh a si.
Chin ramkulh Matupi peng ahhin Kawl ralhrang le CDF kar ah kahnak fak a chuk. Ni thum chung hrawng pehtlai in an i kap cang i Kawl ralhrang lei in a thimi le hliamtuar mi zong an tam ngai cang. Matupi peng ah Kawl ralhrang nih CNA minung tam ngai an tlaih hna timi thawngpang zong a chuak i CNF lei nih fianternak an tuah mi a um rih lo. Biafiang theih a si rih lo.
Matupi peng ah a ummi khuami tampi hna cu thinphang lungrethei ngai in an um hna. Cheukhat ramtang ah an zam hna i tirawl lei zong in harsatnak tampi an tong hna.
Matupi peng Sabawngte khua pawng um ralhrang sakhan pakhat zong an chuahtak ti a si. January 5,2022 ah khan ralhrang nih sakhan ah Helicopter in ralhrang pawl cu an lak hna i Matupi sakhan ah an chiah hna tiah CNF lei nih an chim.
Tulio hrawng hi Matupi peng lawng si loin Falam peng zong ah kahnak fak a chuak ngaingai. Kawlram lei in Falam lei ah Kawl ralhrang pawl nih thazang minung 200 an ra i phu hnih ah an i then. Falam peng Mualzual khua pawng ah kahnak a chuak i Mualzual khua zong ralhrang nih inn an khangh.
Chin ramkulh ah Kawl ralhrang pawl an sual chin lengmang. Nai hrawng cu biatak tein buainak a hung chuak. Minung tampi harnak an tong. Thlacamnak in bawm cio hna usih.
Leave a Reply