Breaking News: Kanpetlet Ah Ralhrang Anmah Le Anmah An I Kap 4 An Thi Cang

Breaking News: Kanpetlet ah anmah le anmah an i kap i ralhrang minung 4 an thi cang tiah theih a si.

Nihin January 8,2022 zanlei ah khan Chin ramkulh Kanpetlet ah a ummi ralhrang sakhan ah anmah le anmah kar ah buainak a chuak i meithal in kahnak a chuak. Ralhrang 4 an thi cang tiah theih a si. Ralhrang a thimi hi minung 4 lawng si loin a thimi an karh khi rih mi a si tiah an chim.

Chin ramkulh chung ahhin a hlan lio ah khan Hakha zong ah ralhrang pawl an mah le anmah an rak i kap cang i ralhrang pahnih an rak thi cang. Cu pinah Matupi zong ah ralhrang anmah le anmah an i kap cang i ralhrang pakhat a nunnak a rak liam.

Kawl ralhrang pawl hi uknak an lak hnu ah anmah le anmah kar ah buainak a chuak lengmang i an kar ah kahnak a chuak lengmang. Kawlram lei zong ah anmah ralhrang le ralhrang kar ah kahnak a chuak mi a tam ngai.

Kawl ralhrang pawl hi anmah le anmah kar ah kahnak a tam tuk cang. Raltuknak hmun ah buainak an tong. Lahkhah kong zong ah buainak an tong cang. Lahkhah tha tein an i pe kho ti lo. Cu lawng si loin ralhrang comapny nih a miak hmuh mi phaisa zong kum chiar an i pek tawnmi zong tukum an i pe kho ti lo.

Cu ruang ahcun kum fatin ralkap dihlak a niam he a sang he an i pek tawnmi phaisa an i pe kho ti lo. Ke ralkap nih kum khat ah ting 15 an pek tawn hna. A hun bawi deuh mi ting 20 le ting 50 kar ah tiin an pek tawn hna.

Kum dang ah September thla chung ah an i pe tawn. Nikum an i pe kho ti lo. Cu ruang ah phaisa khoika dah a um tiah ralhrang pawl an buai cang. Anmah le anmah kar ah lungrualnak fak tuk in a chuak cang.

Be the first to comment

Leave a Reply

Your email address will not be published.


*