(လှိုင်) peng ah ralbawi အောင်နိုင်ဖြိုး le a nupi မဂျူးဂျူးအောင် cu meithal in an kah hna I an thi.

(လှိုင်) peng ah ralbawi အောင်နိုင်ဖြိုး le a nupi မဂျူးဂျူးအောင် cu meithal in an kah hna I an thi.

Yangon ram (လှိုင်) peng a sang 2 nak lam 9 ah ralbawi အောင်နိုင်ဖြိုး le a nupi မဂျူးဂျူးအောင် hna cu mawtaw an I cit lio ah an kah hna I an thi tiah tualcung mi hna sin in theih a si. ဘုရင့်နောင် lam 4 ah a um mi ralbawi အောင်နိုင်ဖြိုး le a nupi မဂျူးဂျူးအောင် hna cu mawtaw an I cit lio ah ဘုရင့်နောင် lam 9 an phak ah minung 2 nih meithal in an kah hna I an nu va in an hngawng le a hnawkhaw hram ah an khen hna caah an thi tiah ralhrang lei thawng thanh tu News of Myanmar nih a thanh.

“ hithil a can hi nihin july 18 zinglei sml; 9 hrawng ah a si. Kan mah kan ruah nak ah cun dalan ah kan ruah hna. Ralhrang lei nih thawng an thanh hnu lawng ah ralbawi te nupa an si hi kan theih. An pa hi mawtaw chung ah a thi colh, an nu hi mawtaw chung a um lio ah cun a thaw a um rih nain a thi a chuak mi a tam pin ah a hliam a hma fah ngai caah a thi lai tin kan ruah , a tu ah cun Ralhrang lei thawng thanh nak nih a thi cang tiin a langh ter, palik le ralkap cu tampi an um” tiah khua mi pakhat nih a chim.