Tuluk zong nih Taiwan cu a kap ngam ti lai lo. Tuluk ram nih Taiwan ram hmete cu ka ram a ti i kah a duh peng mi a si. Ka kah lai a ti pengmi a si. Sinain a tu hnu cun a kap ngam bak ti lai lo.
Russia nih Ukraine hna cu nihnih ah ka lak collh a ti i a tu tiang ni 5 chung a lak khawh lo. A mah Russia tu thih ai timh cang bantuk hin Tuluk zong nih Taiwan ka kah ahcun ka ton ve sual lai tihi a phang bak cang lai.
Tuluk caah tutan hi zohchun ding tha ngai thil pakhat a hung si. Russia nih Ukraine a kah i fawi tein a tei kho lo. Russia ralkap tamtuk an thi. Russia ralkap thilri tamtuk ai rawk. Nitlak lei ram hna nih saction an van chiah dih i Russia cu vansang in a um ko cang. Ukraine a tuk mi hmamh ai chir cang caah a rannak in Ukraine hruaitu he biaruahnak a tuahnak hi a si.
Cu bantuk in Tuluk zong nih Taiwan kah ahcun nitlak lei ram le US hna nih hriamnam an bawmh lai. Saction an kan tuah lai i a tu Russia bantuk in ka thi phah lai ti kha a ruah lo awk a tha lomi a si.
Cu caah Russia nih Ukraine a tuk lai i Tuluk nih Taiwan a tuk colh ve lai tihi minung tampi an rak ruah ning cio a si. Sinain tutan Russia dirhmun zoh hin Tuluk nih Taiwan cu a kap ngam bak lai lo tihi a fiang mi a si ko cang. Taiwan ram caah hnamgam ngai a hung si cang ti khawh a si.
Taiwan le Tuluk hi Uico le Moheh bantuk an si. Tuluk nih kan kah lai tiah a hrocer ah Taiwan nih a ngamh tuk ve. Taiwan ram chung ah Tuluk raktuknak Vanlong hi an zuang lengmang. Taiwa rili ah Tuluk raltuknak Tilong zong an kal lengmang tawn. Tutan hi Tuluk lungfimnak si hram seh.
Leave a Reply