Ruusia Le Ukraine I Phomh Hna Sehlaw Vawlei Pi Ah Zeidah A Cang Lai

Russia le Ukraine hi i phomh hna sehlaw vawlei pi ah zeidah a chuak lai. Hihi na ruat bal maw? I phomh hna seh ti an duh men lai. Duh ding bak a rak si lo.

Tulio hrawng cu Russia le Ukraine kar ah buainak a ngan chin lengmang. Russia nih a ralkap pawl Ukraine ramri ah ting khat hrawng a chiah cang hna. Cu lawng si loin raltuknak hriamnam thatha tampi a chiah cang hna i Russia nih Ukraine hi ruah lo piin luh hnawh i lak khawh a fawi temi dirhmun ah a um. Putin nih a lung a thumh lo ahcun i phomh dawh in an um ko cang.

Ukraine ram lawng nihcun Russia cu a zei ti bang hmanh in a tei khawh ding a si lo caah NATO ram pawl nih biatak tein Ukraine cu an dirpi. Cu lawng si loin US zong nih biatak tein an dir pi ve. Russia nih Ukraine hi van phomh taktak sehlaw Russia a phomh tu ding taktak cu US le NATO ralkap pawl kha an si ko lai.

Mah hna ram pawl an i phomh ahcun vawlei hi a buai taktak lai. NATA cu Europe ram ralkap pawl kha an si. Europe ram cu ram 30 hrawng ai komh mi kha an si. An lei ah US a van i tel rih lai. Ram 30 reng li nih Russia an phomh lai tinak a si hnga. Russia zong cu ram pakhat a si nain vawlei cung ralkap ah a thawng bak mi le ram a lian ngaimi a si ve caah Russia nihhin a tih ve men hna lai lo. China, Iran le Pakistan ram tibantuk zong nih Russia cu an bawmh hrimhrim ve lai timi a fiang ko.

Nizan ah US President Joe Biden nih a chim. Russia nih Ukraine a phomh ahcun vawlei pi hi ai thleng lai tiah a chim. A tu sining hin vawlei pi hi asi ti lai lo tinak a si. A peh rih mi cu vawlei cung ralpi pahnihnak lio nak in a fak deuh lai tiah Biden nih a peh rih.

Raltuknak a fak tuk ahcun vawlei cung sipipuazi a tla dih lai. Rian a tlawm lai. Raltuknak ah phaisa tamtuk a dih lai. Minung tamtuk an thi lai. Zawtnak tamtuk a karh lai. Cu ruang ah ram pical pawl hi cu an i kah lo ahhin a tha bikmi a si.

Be the first to comment

Leave a Reply

Your email address will not be published.


*