Putin le Zalensky ahhin a hodah a lungdong hmasa te lai tiah nan zumh cio. Tulio vawlei pi a hnin dih tu cu mah hna pahnih hi an si. Putin le Zalensky thawngpang nih kan vawlei pi cu an hninh dih ko cang.
Russia nih Ukraine ram a kah hlan ah khan sumilam 48 chung nihnih ahcun lak dih khawh ding in a rak i ruah. Ni hnih chung ahhin Kyive khuapi le Kharkiv khuapi zong ka lak khawh lai i an President zong a zam manh lo si ahcun ka tlaih khawh lai tiin Putin nihhin a rak i suaisam ti a si.
Putin nihcun Ukraine ram cu February 24,2022 zing khua a dei hlan deuh te ah a van kah ciamman cu vawlei pi a hung thang manh ko. Kyiv khuapi le a dang khuapi pawl a van phomh hna. Ukraine Vanlong chiahnak, cozah zung hmun biapi pawl le ralkap sakhan pawl a hun phomh colh hna. Jet fighter le Helicopter cu Ukraine chung an khat cang.
Tang lei in Motor le Tank in a lam phunkip le hmun tamtuk in Russia nih an van luh hnawh hna. Russia nih Ukraine ram cu a lak taktak ko lai hi teh an ti cio. US le NATO zong nih a lak taktak ko cang lai hi teh tiin an ruah cio ko.
Ukraine President nih bia a hun chim. Russia nih an kan kah cang. Kan ram le kan vawlei hrawh ding in Russia ralkap kan sin an phan cang. Kan mipi le kan ralkap hna nan lungdong hlah uh. Nan lung thawng ko seh. Russia ral hi kan doh hna lai. Kan tei hrimhrim hna lai. Pa kum 16 in 60 kar ho hmanh zam hlah uh. Lungrual tein kan ral kan doh hna lai tiah thawng a hun thanh ve.
Cuticun an van i phomh i nihnih a hung liam. Putin nih ai tinh ning in thil a kal kho ti lo. Ukraine President cu ramri ah a zam cang ti hna i Russia media lei nih lih thawng an hun zamh. Sinain Zalensky nih video bak in ka zam lo. Ka hawi le zong ho hmanh an zam lo. Kyiv khuapi ah kan office ah kan um ko. Russia hmai ah zeitik hmanh ah khup bil kan i tim lo. Kan fa le chan ah Russia uknak tang ah um ding cun a si kho lo. Russia ral cu kan doh lai i kan tei hrimhrim lai tiah a chim.
Ukraine ralkap le mipi cu an lung a thawng chinchin. Nihin tiang ah ni 14 an i kap cang. Russia ralkap tamtuk an sung. An thilri tamtuk ai rawk cang. Russia nih ngol loin ralkap a chap chin lengmang. Ukraine nih a sungkhan an i tim ve hlei lo. Tihin cun a si khahw peng lai lo caah Putin maw a kir te lai, Zalensky nih dah a sungkhan te lai? Nan ruah ning le hmuh ning chim cio tuah uh.
Leave a Reply