Mipi Dai Tein Kan Um Ahhin Ralhrang Pawl An Thinphan An Celh Lo

Mipi dai tein kan um ahhin ralhrang nih an thinphan an celh lo caah ralhrang pawl lungrethei in an um tawn. A ra laimi February 1,2022 cu ralhrang nih uknak an lak kum khat a tling cang lai.

Mahhi kum khat a tlinnak ni February 1,2022 ahhin Kawlram pumpi dihlak in Silent Striker kan tuah lai ti a si. Inn chung ah dai tein kan um hna lai i catial in ralhrang uknak duhlonak kan langhter hna lai ti a si. Kawlram pumpi dihlak in ho hmanh dawr zong kan ong hna lai lo, leng ah kan chuak hna lai lo ti a si.

Cu ruang ah Kawl ralhrang pawl an thinphang tuk cang. An thinphan an celh ti lo caah khualak ah ralhrang pawl cu an au i February 1,2022 ah leng chuak ko uh. Nan dawr khar hlah uh. Dawr a khar mi poh kan in tlaih hna lai tiah an ti hna hi an auh hnawh cang hna.

Mipi dai tein kan um ahhin ralhrang pawl an thinphang tuk. Zei ruang ah dah dai tein kan um cu an duh lo tiah cun mipi hi kanmah nih kan uk kho taktak hna lo hi teh. Anmah tein pei an i uk cang ko hi. Kan nawl an ngei ti lo, an hruaitu hna nawl pei an ngaih tuk cang hi ti an i fian caah khan ralhrang nih a tih bak in an tihnak cu a si cu.

Dai tein kan um cu zeidah a thahnem, an mah ralhrang tu an thadam i an i nuam deuh lai timi kha a si lo. Zeitluk in dah mipi hi kan uk khawh hna lo, zeitluk in dah mipi hna nih an hruaitu hna nawl an zulh i an ngaih timi kha ralhrang pawl nih an i fian i an tihmi cu a si. Ralhrang pawl hi dai tein kan um ah le um hlah uh, leng ah chuak ko uh ti si. Leng ah kan chuah ahcun le leng ah chuak hlah uh ti a si hoi.

Be the first to comment

Leave a Reply

Your email address will not be published.


*