Kan ram dothlennak caah hin khua khat ah ramthumnak ummi nih US dollar ting khat cio hlu kho usihlaw ting tamtuk a chuak lai i kan thazang a thawng taktak lai.
Kan ram dothlennak caah a khua in CNA le CDF caah phaisa a hlutu an um pah ngai cang. Khua khat ah US dollar ting khat reng lo deuh an hlut hna. Khua 7 hrawng cu an um cang rua dah ka ti. Mahhi khua 7 nih an ti khawh mi cu a dang khua cio zong nih biatak tein van cawlcang hna usihlaw ti khawh ngawt cio a si ko hnga.
Ramthumnak ah a ummi khua kan tlawm deuh hmanh ah pawngkam khua a tlawm deuh mi he van i bawmh i van thawh ti ahcun US dollar ting khat cu kan thawh khawh pah dih ngawt cio ko hnga. Tahchunhnak ah kan nih khua hi ramthumnak um kan tlawm deuh caah tiin pawngkam khua dang a tlawm deuh mi kha hei sawm, khua hnih khua thum hna van i bawm i hmunkhat ah US dollar ting khat van thawh ahcun a si kho ding mi a si.
Thantlang peng chung hmanh ah khua 50 leng kan um. Hakha peng khua vialte an si rih lai. A dang peng dang khua zong an um rih lai. Mah hi biatak tein van kal pi ahcun US dollar ting 100 hmamh a chuak kho ding khi a si.
Kan ram dothlennal caah hin fimthiamnak zong a tu ahcun a biapi bik a si rih lo. A tu ah a biapi bik cu hriamnam a si ko. A minung thazang cun ram chung um kan mino tete hna an tam ngai cang. Hriamnam hi kan chambau tuk rih. Hriamnam tha kan ngeih lawng ah Kawl ralhrang nih an kan tih lak. Tlangcung hriamtlai dang nih an kan tih lai. Tulio ahcun hriamnam hi a biapi tuk. Hriamnam bak i zalh ko usih.
Leave a Reply