Khrihfabu Pastor Te Hi Nifatin Zung An Kai Awk A Si Maw?

Khrihfabu Pastor te hi zung ah kan thut awk a si maw? Tu chan ahcun cantling in Khrihfabu ah Pastor a tuanmi hna hi zung ah a thumi tampi an um hna i zung ah a thu lomi zong tampi an um ve hna. Pastor zung ah a thumi hna hi Laitleng lei khuapi deuh le ramleng um Pastor te deuh hi an si hna. Nifafin zung ah an kai ve tawn. Mahhi zung ahhin Pastor kan thut awk a si maw?

Kan Evanzalist hna nih an chim tawnmi cu Pastor te hi cozah riantuan bantuk in zung ah an thut awk a si lo tiah an chim tawn. A ruang cu Pastor te nifatin zung an kainak chacun menber hna inn ah an lenkai ding a si ko tiah an chim.

Cheukhat nih an chim venak ahcun zung ah kan kai lo ahcun Menber te he kan i pehtlaihnak a tha kho lo. Zung kan kai tikah zeidah tuah ding a herh timi tete kha hmuh khawh a si i zung kan kainak in a herh mi poh kan tuah khawh ko tiah a timi tampi an um ve hna.

Pastor te chun ah nifatin zung an kai tikah an tuah mi zei ngai a um lo. Zung ah bia vai ruah le va um sawhsawh in a tam deuh cu chun ni an tla ko. Mah nak cha cun Menber inn ah va len, si lo ah mah inn te ah um kha a tha deuh tiah a timi zong tampi an um hna. Zung ah a kaimi Pastor te nihcun menber lenkai kha an daithlang deuh ko tiah an ti.

Nang zeitindah na ruah ve? Kan Pastor te hi nifatin zung ah an kai awk asi maw? Zung an kai ah maw a that deuh zung an kai lo ah dah a that deuh hnga?

Be the first to comment

Leave a Reply

Your email address will not be published.


*