Dr. Ngun Cung Lian Kong Hi Na Ruat Bal Maw?

Dr. Ngun Cung Lian ralhrang sin a luh i a thli tein ralhrang thawngpang mipi lei sinah a thanh zong a si kho ko dah kaw ruah awk a um ngai cuh.

Chin ram le miphun a dawt tuk ruang ah kum tampi chung CNA ralkap a rak tuanmi le Tlangcung miphun ralkap le Kawl ralhrang hna kar ah remdaihnak a um khawhnak hnga kum 5 chung manh lo taktak in U Aung Min sin ah rian a tuan tu Dr. Ngun Cung Lian kong hi na ruat bal maw?

Dr. Ngun Cung Lian cu Min Aung Hlaing nih ralkap lei ruahnak petu ah a thim i a cohlan hnu ah Nay Pyi Taw ah a um i ralkap sinah rian a tuan. Ralkap sin rian a tuannak ahhin zeihmanh a langhnak a um rih lo. Zei bantuk rian dah a tuan ti zong a um rih lo i Ngun Cung Lian nih cutin a chim ti zong a um rih lo. Dai tein um dawh a si.

Dr. Ngun Cung Lian nih ralhrang pawl sinah um i a thli tein NUG le hriatlai dang sinah ralhrang pawl an cawlcanghnak kong thawngpang a petu zong a si khomi a si tihi minung tampi nih an ruah ciomi a si. Ralhrang lei ahhin za ah za cun a tang bal lai lo tihi zumh a um ngaimi a si ko. Ralhrang uknak cu a mah zong a hua tuk ve ko.

Sinain a mah hi NLD cozah chan lio ah Suu Kyi cu a rak soisel ngaingai. Ralkap le USDP party a rak tanh hna tinak cu a si lo. U Aung Min sin tu ah remdaihnak kum 5 chung rian a rak tuanmi a si. Ralkap pawl an meeting zong ah a mui a lang bal lo. TV chung zong ah a mui a lang tuk bal lo. Ralhrang sin a luh hnu ahhin voi hnih te lawng a mui a lang.

Be the first to comment

Leave a Reply

Your email address will not be published.


*