Biden Nih Putin Hi Zei Ngai Ah A Rel Ti Lo

US President Biden nih Russia hi zei pipa ah a rek ti hna lo. A tih lo tuk cang hna. US nih Russia hi zei ah an rel lo chin lengmang cang hna.

Vawlei cung ahcun Russia maw thawng deuh lai US ti lengmang a si. Mahhi chung ah Russia hme teh a timi zong kan um bantuk in US hme teh tiah a timi zong kan um ve hoi. Vawlei cung ahcun Russia le US hi an mah pahnih hi tahchunh peng mi cu an si tak ko.

Sinain Russia cu ral a van tu taktak i a sining vialte a hung lang dih cang. Russia nihcun Ukraine cu a hun tuk taktak tikah a sining vialte a lang dih cang. Zei tluk in dah a thawn i zei tluk in dah a der timi zong a lang dih cang. Vawlei pi hmai ah a lang dih cang.

Tutan ah Russia a cawlcangh ning hi US nihcun zei ngai ah a rel ti lo. Russia hi rak ruah ning bantuk a rak si lo hme hi a ti daim cang lai. Kanmah Laimi hmanh nih Russia hi rak ruah ninh bantuk a si lo hme hi kan ti diam cang hi mu. US chacha nihcun kanmah nak in a theih feuh fawn.

Putin nih nih hnih chung ah lak ding in a ti nain nihin tiang thla khat a reng ti lo nain a la kho rih lo. Tu hnu kum khat zong ah lak khawh dawh a si ti lo. Ukraine le Russia cu an hriamnam tuk chun ahcun Cakei le Chizawh bantuk an si. Sinain Ukraine ram ral umkal ning le thilcang zoh tikah Ukraine nih an hneh ngai hna timi a lang. Russia ralkap a thi an tamtuk ning. Hliamtuar le tlaih mi an tamtuk ning.

Putin cu vawlei pi hmai ah a mual pho bak ko cang. NATO le US cung ah a lungsi ti lo. A hro peng hna nain zei ngai ah US nih a rel piak duh lo. Ukraine cu phaisa le hriamnam a phunphun in a bawmh thluahmah rih ko. Biden nih Putin hi zei ngai ah a rel ti lo. A thazang a der tuk timi ai fiang tuk cang.

Be the first to comment

Leave a Reply

Your email address will not be published.


*