Biden Nih Putin Cu A Nung Buin Muihnak Khur Ah A Thlak Cang

US President Biden nih Russia President Putin cu. Anung buin khur ah a phum cang. A caah chuahnak lam a har tuk cang. Muihnak khur chung ah a thlak bak ko cang.

US President Biden nih Putin cu Ukraine kah hlah, nan kah ahcun na tuar taktak lai. Na cei tuk lai tiah a rak sik a rak ti peng ko nain Putin nih zei ah a rel duh lo i a tu ahcun Putin cu muihnak khur chung ah a tla ko cang.

Russia nih Ukraine a kah ruanh ah ni li chung te lawng ah Putin cu phih kharnak tamtuk an colh cang. US le a hawi le ram NATO pawl he i bawm in Putin cu saction an van tuah ciaman hi Putin caah cun ngaihchia a si ko cang. Vawlei cung Gas a chuahnak bik Russia Gas cu nitlak lei ram le US nih an caw ti lo. Russia gas cu lakka a si cang.

Nitlak lei ram le US nih Russia cu Swift bank an phih hna. Dollar an hmang kho ti lo. Dollar loin ram dang ah khoika hmanh thil an caw kho ti lai lo. An ngeih cia dollar a dih colh lai. Comapny tamtuk an phih hna. An sipuazi a thumchup tuk cang. Russia mirum pawl an visang cang. Phaisa tamtuk an sung cang i an leiba he lawng um ding a si cang ko.

Nitlak lei ram pawl nih Russia Vanlong an phih hna. Nitlak lei ram pawl cung hrim ah Russia Vanlong pohpoh zuan lo ding an si cang. Khoika lam in dah an zuan ti ne lai. An caah lam a bi tuk cang. Russia cozah le Russia Airline comapny pawl caah sungh taktak a si hoi cang.

NATO le US nih Ukraine cu hriamnam thatha an bawmh peng hna. Ukraine ralkap nih US le NATO hriamnam in Russia ralkap tamtuk an thah cang hna. Russia ralkap an lung a dong pah cang. Putin nih a herh lomi ral a kan tukter an ti cang. Russia Vanlong thatha, Tank thatha le Motor thatha tamtuk a ciam cang.

Russia mipi nih Putin an au hnawh cang. Na raltuk hi ngol cang kan thi dih cang lai hih an ti. Nifatin minung a thongthong nih an au hnawh cang. An mah Russia ramchung lila ah buainak fak tuk a chuak cang. Putin nih a lungdongh tukah Nuclear bomb hman ding in timhtuahnak lam a kawl cang. Nuclear bomb in ai hro cang. Hihi Putin a donghnak bik a lungdonghnak a si. US nih Russia cu a mah ralkap hman hau loin a tei. Biden nih Putin cu a nung buin khur ah a thlak cang ko hih.

Be the first to comment

Leave a Reply

Your email address will not be published.


*